Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 35v

Llyfr Blegywryd

35v

tref eu tat y·rydunt. or byd marỽ vn o  ̷+
honunt heb etiued idaỽ oe gorff neu
gyt etiued hyt geifyn. y brenhin a vyd
etiued or tir hỽnnỽ. Megys y mae
braỽt yn etiued dylyedaỽc o tref y tat.
velly y mae y chwaer yn etiued dylye  ̷+
daỽc oe gỽadaỽl. trỽy yr hỽn y kaffo
hi ỽr priaỽt dylyedaỽc o tir nyt am  ̷+
gen y gan y that neu y etiuedyon or
tric ỽrth gyghor y ryeni ae chyt etiue+
dyon. Ony byd y perchenhaỽc tir eti+
ued arall. onyt merch; y verch a vyd
etiued or tir oll Or byd y perchenha  ̷+
ỽc tir etiued deduaỽl ac arall anedua  ̷+
ỽl. y deduaỽl a vyd etiued o gỽbyl. ar
aneduaỽl heb ran. Or byd y perchen  ̷+
haỽc tir etiued dianaf ac arall anaf  ̷+
us. megys dall. neu vydar. neu grupyl
y dianaf a uyd etiued or tir oll. na ded+
uaỽl vo nac aneduaỽl. kany dichaỽn
neb anafus wneuthur yn gỽbyl was+
sanaeth tir y brenhin yn dadleueu a