Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 31br

Llyfr Blegywryd

31br

o vilaentref yn| y gayaf. ac ony cheffir
hỽch; riscen emenyn a telir drosti. teir
dyrnued o let. a their dyrnued teỽhet
heb voel. whech daỽnbỽyt. a cherỽyneit
o gỽrỽf o naỽ rywant ar ỽyr o galan gay+
af. hyt galan mei. Messur daỽnbỽyt yỽ
baccỽn tri byssic yn| y hyscỽydeu. ac yn| y
hireis. Ac yn| y chlunyeu. neu hỽch teir
blỽyd vehineit. a heb vessur ar y mehin.
neu lestreit emenyn o teir dyrnued llet
a their dyfnet. kic ych a telir dros tri da  ̷+
ỽnbỽyt gayaf. Ny thelir dros daỽnbỽyt
gỽanhỽyn namyn aryant ony ellir eu
kaffel. deudec keinhaỽc a| telir dros pob
vn ohonunt. Ac vgeint yscub o geirch
vn rỽym. a deudec torth o vara bychein.
A dỽy torth o vara maỽr peilleit. ac ony
byd gỽenith yno; bara rynyon vydant
a chossyn gyt a phob daỽnbỽyt a wnel  ̷+
her o holl laeth y neb ae talho bore ac
echỽyd a breuan emenyn kyn teỽhet
a motued. a chyflet ar dyscyl lettaf yn y ty