Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 31ar

Llyfr Blegywryd

31ar

vlaỽt gỽenith ac ych. A seith drefa o geirch
vn rỽym. a dogyn o vel yn vn gerỽyn.
Naỽ dyrnued vyd vchet y gerỽyn. pan
vessurer ar ỽyr or cleis draỽ yr emyl yma.
a phedeir ar| hugeint o aryant onys rydha
breint y talaỽdyr. Gỽerth kerỽyneit ved
a talher yr brenhin wheugeint yỽ. A chy+
meint vyd y gerỽyn. Ac y gallo y bren+
hin ae heneuyd eneinhyaỽ yndi. Ar cỽyr
a renhir yn teir ran. y trayan yr brenhin.
ar trayan yr neb ae gỽnel. Ar trayan
yr neb ae rotho O tref ryd y bo maer
neu gyghellaỽr med a telir. O tref ryd di+
ssỽyd. bragaỽt a telir. Ony cheffir med dỽy
gerỽyn   a telir o vragaỽt. Ony
cheffir bragaỽt; pedeir o gỽrỽf a telir.
velly y byd dros westua gayaf.
PEteir rantir a uyd yn| y tref y taler
gỽestua brenhin oheni. Pan talher
gỽestua haf ny thelir nac  +
ryant nac ebran. 
petwar da