Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 30v

Llyfr Blegywryd

30v

kymeret yr vchelỽr vach y gan y gỽr ar
holl iaỽn y wreic kyn no chyscu ygyt
ohonunt. Diffeith  brenhin
y dywedir uot morỽyn. ac ỽrth hynny
y dyly y brenhin y gobyr. Gobyr merch
brenhin. whe phunt yỽ ac yr vam y te  ̷+
lir. kanys tir vyd y chowyll. y meint a
welo y gỽr y vot yn iaỽn. Pedeir punt
ar dec vyd y hegỽedi. Gobyr merch pen+
kenedyl. punt yỽ. Gobyr merch e vchelỽr;
wheugeint. Gobyr merch bilaen; pedeir
ar| hugeint. Gobyr alltudes; pedeir ar| hu+
geint. Gobyr merch bonhedic canhỽynaỽl.
pedeir ar| hugeint. Megys y| dyly y gỽr
rodi meicheu dros yr egỽedi. velly y dyly
ryeni y vorỽyn rodi meicheu na wnel
hitheu gỽc yn erbyn y gỽr.
Pvnt yỽ gỽerth gỽestua brenhin
wheugeint dros y vara. a thri
vgeint dros y enllyn. A thrugein dros y
lyn. a hynny ony thelir y| westua yn am+
seraỽl. Messur gỽestua brenhin yỽ pỽn o