Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 2ar

Llyfr Blegywryd

2ar

Kyntaf y dechreuis y brenhin kyf+
reith y lys beunydyaỽl. ac or dech+
reu y gossodes petwar sỽydaỽc ar| hugeint
yn| y lys nyt amgen. Penteulu. Offeirat
teulu. Distein. Ygnat llys. Hebogyd.
Pengỽastraỽt. Penkynyd. Gỽas ystauell.
Distein brenhines. Offeirat brenhines.
Bard teulu. Gostegỽr llys. Dryssaỽr
neuad. Dryssaỽr ystauell. Morỽyn ys+
tauell. Gỽastraỽt auỽyn. Canhỽyllyd.
Trullyat. Medyd. Sỽydỽr llys. Coc. Troe+
daỽc medyc. Gỽastraỽt auỽyn brenhines.
Dylyet y sỽydogyon hyn yỽ kaffel breth+
ynwisc y gan y brenhin. a llieinwisc y
gan y vrenhines teir gỽeith yn| y vlỽy+
dyn. y nadolic. ar pasc ar sulgỽyn.
Brenhines a dyly caffel trayan y gan y
brenhin or ennil a del idaỽ oe tir. Ac ual
hynny sỽydogyon y vrenhines a dylyant
trayan y gan sỽydogyon y brenhin. kylch
a dyly y vrenhines ar morynyon ar mei+
bon ar vilaeneit y brenhin pan el ef y
maes oe tir e hunan. Gỽerth brenhin yỽ