Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 25v

Llyfr Blegywryd

25v

yn| y hamobyr. Os gỽedy y seith mly+
ned y gat; bit ran deu hanher y·rydunt
onyt breint a dyry ragor yr gỽr. Deu
parth y plant a daỽ yr gỽr yr hynaf
ar ieuhaf. ar trayan yr vam. os ag  ̷+
heu ae gỽahan; bit ran deu hanher y+
rydunt o pob peth. Sarhaet gỽreic
ỽryaỽc. herwyd breint y gỽr y diwygir
idi. nyt amgen herwyd breint y gỽr
y rodher idaỽ. Gỽr a eill yn ryd gadu
y wreic or gỽna hitheu yn honheit
yr gỽr arall. ac ny cheiff hi dim o ia  ̷+
ỽn eithyr y tri pheth ny dygir rac
gỽreic. ar gorderch a tal y sarhaet yr
gỽr kyfreithaỽl. Or dyweit gỽreic eir
kewilydyus ỽrth y gỽr. talet yr gỽr
teir bu camlỽrỽ. kanys y harglỽyd yỽ.
neu trawet hi a gỽyalen kyhyt ae
gupyt tri dyrnaỽt lle y mynho eithyr
y pen. Or maed gỽr y wreic heb achaỽs
talet y sarhaet idi herwyd y breint.
Or edeu gỽreic wely y gỽr heb achaỽs.