Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 21v

Llyfr Blegywryd

21v

Or a heit gỽedy kalan aỽst y maes. as  ̷+
gellheit vyd ac ny thal onyt pedeir kein+
haỽc hyt galan mei. Modrydaf gỽedy yd
el y kynheit o·heni. vgeint a| tal. gỽedy yd
el yr eil heit o·heni. vn ar pymthec a| tal.
gỽedy yd el y tryded heit o·heni. deudec kei  ̷+
nhaỽc a| tal. Gỽenynllestyr; deudec sỽllt.
Bydaf yn| y coet deu sỽllt. Or dygir bydaf
letrat a thorri y pren y bo yndaỽ. gỽerth
y pren a gỽerth y vydaf a telir y arglỽyd
y tir. Y neb a gaffo bydaf os dengys y
perchennaỽc y tir. pedeir keinhaỽc ae
ginyaỽ a geiff neu y cỽyr. Ny thal neb
heit onyt pedeir keinhaỽc. hyny uo tri+
dieu yn wastat trỽy awel eglur. dyd y
geissaỽ lle. a dyd y uudaỽ a dyd y orffowys
A neb a gaffo heit ar tir dyn arall; pedeir
keinhaỽc a geiff ef y| gan y perchen y
tir or myn ynteu yr heit.
AElodeu vn werth y dyn ynt y rei
hyn. dỽylaỽ. deu troet. deu lygat.
deu glust. Dỽy ffroen yn lle vn aelaỽt. dỽy