Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 20r

Llyfr Blegywryd

20r

llỽ vn dyn yssyd gỽbyl y wadu ki. Gỽerth
keneu gellgi brenhin kyn agori y lygeit;
pedeir ar| hugeint. yn| y growyn. vyth a deu
vgeint; yn| y gynllỽst; vn ar pymthec a phet+
war vgeint. yn| y ofer hely. wheugeint. Pan
uo kyfrỽys; punt. Sef a tal milgi brenhin
or dechreu hyt y diwed. hanher kyfreith gell  ̷+
gi brenhin gogyfoet ac ef. Y neb a torro
llygat gellgi brenhin neu y loscỽrn. talet
pedeir keinhaỽc kyfreith. yg|kyfeir pob buch a
talo y ki yr brenhin. Un aneueil a a o pedeir
keinhaỽc y punt yn vndyd; gellgi. os tayaỽc
bieiuyd. pedeir keinhaỽc vyd y werth. ac or
rodir yr brenhin. punt a| tal. Amỽs yn pori
allan. a milgi heb torch; colli eu breint a| wnant.
Un werth yỽ gellgi breyr a milgi brenhin.
gogyfoet ac ef. Sef a| tal milgi breyr or dech  ̷+
reu hyt y diwed. hanher kyfreith gellgi bre  ̷+
yr gogyfoet ac ef. Gỽerth keneu costaỽr bila  ̷+
en kyn a·gori y lygeit. keinhaỽc yn| y growyn
dỽy geinhaỽc. yn| y gynllỽst; teir keinhaỽc.
yn ryd; pedeir keinhaỽc cotta a tal. Py ryỽ
bynhac uo ki tayaỽc. pedeir keinhaỽc vyd y