Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 19v

Llyfr Blegywryd

19v

Gỽerth* lletuegyn* tayaỽc. keinhaỽc cotta.
Or byd hely gellgỽn y vreyr. arhoet ef hy+
ny ellygo kynydyon y brenhin teir gỽeith
y bore. ac odyna gollyget y gỽn ynteu
yn ryd. a phy le bynhac y llather y garỽ; ro  ̷+
det wharthaỽr tir. Py ffordaỽl bynhac a vra+
tho bỽystuil gỽyllt y ar fford yn fforest y
brenhin. ymlynet ef tra y gỽelho. ac os gor+
diwed kymeret. ac or dieinc dan y olỽc. nac
ymlynet. Py vỽystuil bynhac a gaffo dyn
yn varỽ ar tir dyn arall or byd hyys y gic
perchen y tir bieiuyd. ar neb ae| kaffo a geiff
y wharthaỽr blaen os hỽch coet vyd. Os
llỽdyn arall vyd. y wharthaỽr   n ol a geiff.
Os bỽystuil nyt ysser  a geffir velly. perchen
y tir a dyry keinhaỽc drostaỽ yr neb a kaffo.
Y lle y gossotter cỽn yn erhyl y kyntaf o+
honunt a gymero iỽrch neu gadno neu
yscyfarnaỽc. ef ae keiff. Gỽerth llostlydan
wheugeint. Gỽerth beleu pedeir ar| hugeint yỽ.
OR lledir ki neu or dygir letrat; cam  ̷+
lỽrỽ a telir drostaỽ. Dros ki kyndeir+
aỽc na thros y drỽc a wnel ny diwygir dim.