Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 18r

Llyfr Blegywryd

18r

yr brenhin a tric. kanys megys tat idaỽ yỽ.
ar hanher arall a geiff y maer ar kyghellaỽr
yn deu hanher y·rydunt. Ony byd plant yr
alltut y holl da a geiff y brenhin eithyr kym  ̷+
eint ae dylyet pan uo marỽ. Naỽdỽr brenhin;
wheugeint vyd y ebediỽ. a hỽnnỽ a elwir
cletren wassafỽr. Y neb a uo marỽ ar tir
dyn arall. vn ar pymthec a telir dros y varỽ
tywarchen. Y ty kyntaf a loscer yn| y tref o
walltan; talet y deu a enynho gantaỽ gyn  ̷+
taf vn o pob parth idaỽ. Y neb a uenffyc  ̷+
cyo ty a than y arall. or kynheu hỽnnỽ.
 tan teir gỽeith yn| y ty. cỽbyl tal
a geiff y gantaỽ or llysc. Pỽy bynhac a a  ̷+
daỽho tan y myỽn odyn venffyc. y atgyn  ̷+
heu tan. a llosci yr odyn. ỽynt ell deu ae tal
yn deu hanher yr perchen. Os y kyntaf 
hagen a diffyd y tan oll neu a gymero ffyd
yr eil ar diffodi y tan kyn y adaỽ. ny thal y
kyntaf dim drosti kyt llosco gỽedy hynny.
ODyn biben brenhin; wheugeint a| tal.
Odyn breyr; trugeint. a| tal. Odyn eillt
brenhin; dec ar| hugeint. Odyn eillt breyr