Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 17v

Llyfr Blegywryd

17v

brenhin. Pan gollo dyn y anreith o gyfreith
maer a chyghellaỽr bieu yr aneired ar en  ̷+
deriged. ar dinewyt. ac or rei hynny y ma  ̷+
er a geiff ran deu ỽr. Teir punt yỽ cowyll
y verch. Seith punt y hegỽedi. Gỽerth ga  ̷+
lanas maer yỽ naỽ mu a naỽ vgein mu
gan tri drychafel. Ac velly dros gyghellaỽr.
Dros sarhaet pob vn o·honunt y telir;
naỽ mu a naỽ vgeint aryant. Punt yỽ
ebediỽ pob vn. Ebediỽ breyr; wheugeint
Ebediỽ bilaen brenhin; dec a phetwar
vgeint. Ebediỽ bilaen breyr. trugeint
yỽ. kany byd na maer na chyghellaỽr
a dylyont trayan ar vilaeneit breyr.
Or byd eglỽys ar tir bilaen brenhin;
wheugeint vyd y ebediỽ Ebediỽ abat
deudec punt. Pedeir ar| hugeint yỽ e+
bediỽ gỽr ystauellaỽc. Deudec keinhaỽc
ebediỽ gỽreic ystauellaỽc. ac y arglỽyd
y tir y bo yr ystauell arnaỽ y telir.
Ebediỽ bonhedic canhỽynaỽl. dec a phet+
war vgeint. Ebediỽ alltut y rotho y bre+
nhin tir idaỽ. trugeint. a hanher hynny