Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 14v

Llyfr Blegywryd

14v

thur vn yỽ atteb yn diohir drostaỽ e hun
a thros y da kynhenus a thros amdiffynnỽr
y da. Eil yỽ seuyll ỽrth gyfreith a barn dros
yr holl dadyl trỽy deturyt gỽlat. Trydyd yỽ
gỽneuthur cỽbyl dros yr holl dadyl val y
barnher idaỽ. Ny ellir gỽarantu vn da kyf+
fro na digyffro a dycker yn erbyn kyfre+
ith. nac vn gỽeithret a wnelher yn erbyn
kyfreith. os deturyt gỽlat ae hamlycca.
braỽdỽr hagen a dyly gỽybot a deall trỽy
deturyt gỽlat. ae trỽy gyfreith ae yn er  ̷+
byn kyfreith y ducpỽyt y da. neu y gỽn+
aethpỽyt y gỽeithret kyn rotho barn ter+
uynedic. rỽg yr haỽlỽr ar gỽarant a hyn+
ny gỽedy atteb yr amdiffynnỽr. Y neb a
gaffo gỽarant y myỽn dadyl. ny cheiff tauo  ̷+
dyaỽc amgen noe warant yn| y dadyl honno.
kanys y gỽarant a dyly gỽrtheb drostunt
ell deu. a chanyt oes dim o waranrỽyd
amgen noc amdiffyn a rydhau. Pỽy byn  ̷+
hac a uo gỽell gantaỽ arall y dadleu drostaỽ
yn llys noc e hunan. kanhat yỽ idaỽ ef tewi
heb dadleu dim tra vynho kynhal tauody+