Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 14r

Llyfr Blegywryd

14r

reith gỽlat neu deturyt gỽlat. megys
kadỽ gỽesti am letrat kyssỽyn a chadỽ kyn
koll. a geni a meithryn. am letrat gỽaessaf.
neu treis. neu aghyfarch heb treis heb let+
rat. Ac nyt cỽbyl ỽrtheb. ac nyt cỽbyl di  ̷+
heuraỽ. ac nyt cỽbyl amdiffyn vn or teir
kyntaf yr neb ae kaffo namyn kanhorth  ̷+
ỽy mal y bo haỽs y gredu trỽy y taryan
a gaho no hebdi. Ac velly galỽ gỽarant
nyt cỽbyl ỽrtheb. nyt cỽbyl diogelrỽyd.
namyn keissaỽ neb vn a ỽrtheppo drostaỽ.
ac a wnel cỽbyl y drostaỽ. Ac ỽrth hynny
pỽy bynhac a gaffo gỽarant. safent ell deu
y gyt ỽrth gyfreith   yn| y llys hyny
teruynho y dadyl oll trỽy varn y·rydunt
ar haỽlỽr. kany ellir gỽybot o vn fford
kyn barn teruynedic ae vn ohonunt a
uo kylus ae ell deu. ae na bo kylus vn.
ac na wys heuyt a vynho y gỽarant wneu+
thur cỽbyl e| hun a thros y da kynhenus.
a thros yr amdiffynnỽr. ae nys mynho.
ac ny wys heuyt ae gallo ae nys gallo.
Tri pheth a| dyly gỽarant diball eu gỽneu  ̷+