Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 13v

Llyfr Blegywryd

13v

tystolyaeth ny aller y llyssu a tyster
trỽy ymhyaỽl. O ymlad a wnelher y my+
ỽn nodua. gỽaet neu gleis a seif yn tys  ̷+
tolyaeth yr abat ar offeirat trỽy vreint
eglỽyssic yr abadaeth. Or byd ymlad
yn llys beunydyaỽl y brenhin. dirỽy
pob vn or ymladwyr heb wadu vn o  ̷+
honunt yn erbyn y gilyd. nac yn erbyn
y distein; whe phunt vyd. Os o vaes yr
llys y byd teir punt vyd. Or palla reith
y neb a watto ymlad. dirỽyus vyd megys
na wattei dim. Diuỽyn dirỽy treis mo+
rỽyn yỽ gỽialen aryant a ffiol eur a chla+
ỽr eur mal y dywetpỽyt am eu messu+
reu yn diuỽyn sarhaet brenhin. Diuỽyn
dirỽy ymlad yỽ deudeg| mu. Diuỽyn di+
rỽy letrat yỽ. kyssỽynaỽ lletrat ar dyn.
a gỽadu o·honaỽ yn da ar y tauaỽt. a gos  ̷+
sot reith arnaỽ. ae phallu. lleidyr kyfadef
kan pallỽys y reith. Gỽiryon oe pen e hun+
an ae| tauaỽt. ny delit dim gantaỽ; deudeg
PEdeir taryan yssyd [ mu dirỽy arnaỽ.
a gerdant yn llys rỽg kynhenusson a