Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 98r

Llyfr Iorwerth

98r

vrth ureint y braỽt. A honno a el+
wir morỽyn wreic. Ac o dygir
treis arnei. Ef a| dylyir talu cowyll
idi. O deruyd enllibyaỽ gỽr ar wre+
ic. y treigyl kyntaf llỽ seith wra+
ged. yr eil treigyl. llỽ pedeir gỽ+
raged ar dec. y trydyd treigyl llỽ
pedeir gỽraged ar| ugeint. Ac o hyn+
ny allan. llỽ deng wraged a deugeint
pob treigyl. O deruyd y wreic llad  gỽr
. hi a| dyly caffel. kyfreith. paladyr
a| hỽnnỽ yỽ y dyn a|e keiff. ac ny|s
tal. Pob arglỽydes a| dyly amo+
byr gỽraged y chyuoeth. Gỽre+
ic maer bisweil a| dyly amobreu
gỽreged* y uaertref. Nyt
oes ureint y putein ket dyccer
treis arnei. Ny dyly caffel iaỽn.
O serheir hitheu Talher y sar+
haet vrth ureint y braỽt. A|e
galanas o lledir. Pob aghyf+
lauan a wnel gỽreic. Talet y
chenedyl drosti ual dros vr. Ony
byd gỽryaỽc. O byd gỽryaỽc hith+
eu Talent hi a|e gỽr y dirỽy a|e
chamlỽrỽ.