Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 96v

Llyfr Iorwerth

96v

harglỽyd. A gwreic a dycco alltut
treis. O deruyd rodi morỽyn y ỽr ac
na ouynher y chowyll kyn y chyuodi y
ar y gwely tranoeth. Ny dyly ef at+
teb idi o hynny allan. O deruyd y uor+
ỽyn na defnydyo y chowyll kynn y chy+
uodi y ar y gwely tranoeth. Ny dyly y
chowyll o hynny allan namyn yn gyff+
redin y·rydunt. Ny dyly merch o
da y that namyn hanner a gaffo y bra+
ỽt. Ac ny dyly talu o alanas namyn
hanner a talo braỽt idi. A hynny dros
y phlant. Ac Ony plant idi. A| thyngu
ohoni na bo byth ny dyly talu dim. ~
Ac O byd plant idi ac eu mynet yn
oet kyfreithaỽl. Talent e hun drostunt o hyn
allan. Ny dyly un wreic talu. kyfreith. pa+
ladyr na hen uo na ieuanc. O deruyd y
wreic achos mynnu yscar dywedut na
allo y gỽr y hymrein. kyfreith. a| eirch y proui.
Sef ual y prouir. Tannu llenlliein wenn
newyd olchi adanadunt. A mynet y
gỽr ar warthaf honno y uot genti.
A phan del y ewyllis y ellỽng ar y llen+
lliein. Ac o geill hynny ual y gwelher