Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 90v

Llyfr Iorwerth

90v

Os kynn y seithuet ulỽydyn yd ysga+
rant. Talher idi y hegwedi a|e har+
gyfryeu a|e chowyll. Os yn uorỽyn
y rodir yr hyn a uo ar garn o|r petheu
hynny. Os kynn y seithuet ulỽyd+
yn yd edeu hi y gỽr. Cỽbyl o hynny
a gyll. Eithyr y chowyll a|e hỽyneb+
werth. Os y gỽr a uyd clauur. Neu
anadyl drewedic neu na allo ymre+
in Os o achos un o|r pheth hynny yd
edeu hi euo. Hi a dyly caffel cỽbyl o|r
eidi. Os o uarỽ hi a dyly pob peth yn
deu hanher. Eithyr yr yt. Ny dyly
gỽreic caffel rann o|r yt Onyt gỽreic
pỽys. Ac os o uyỽ a marỽ y gwahanant
rannet y claf a|e periglaỽr y gyt ac ef
a dewisset yr iach. Ny dyly y
claf kymunni namyn y dayret yr eglỽys. Ac
yr arglỽyd. A|e dyledyon. A chet ys
kymynno y mab a| eill torri y kymmyn
hỽnnỽ. A hỽnnỽ a| elwir y mab anwar.
Pỽy| bynhac a torho kymyn kyfreithaỽl. ~
Dayret a dyledyon. ysgymmun uyd
uegys publican neu pagan. Os o
uywyt y gwahanant. Trigyet hi