Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 81r

Llyfr Iorwerth

81r

Ny dyly y deilyat keissaỽ perchenna+
ỽc yr ysgrybyl. Ac ny dyly ynteu
y kelu wynteu. Ac os kel; Talet o|r
bydant uarỽ.
Pỽy| bynhac a| uynnho gỽneuthur ky+
uar. Jaỽn yỽ idaỽ rodi bot vrthaỽ
a chyuaruot y llaỽ a|e gilyd. Ac gỽe+
dy gỽnelynt hynny y kadỽ yny darffo
y magyl. Sef yỽ y magyl. deudec erỽ.
Sef yỽ messur yr erỽ. tri hyt  gro+
nyn heid yn| y uotued. Teir motued
yn llet y balyf. Tri llet y balyf yn| y
troetued. Pedeir troetued yn hyt y
uerieu. Vyth yn| y ueieu. Deudec yn| y
gesseilieu. Vn troet·ued ar| pymthec
yn hyt yr hiryeu. Gwialen kyhyt a
honno yn llaỽ y geilwat. Ac ynteu ym
blaen yr ychen ar ysgỽr perued yr hi+
ryeu yn| y laỽ. A hyt y kyrhaedho a| hon+
no o bob tu idaỽ yỽ deu eironyn yr erỽ
a hynny o hyt y ureich. A dec hyt ar| u+
geint y honno yỽ hyt yr erỽ. [ yr erỽ
gyntaf yr amaeth. Ar eil yr heyrn. ~
y tryded yr eitheuic tywarch. y ped+
wared yr eitheuic gwellt rac torri