Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 75r

Llyfr Cynog

75r

ettir. Namyn tir a talho llofrud yng gwerth ke+
lein gwedy na bo dim ar helỽ y llofrud nac o kyfreith. pala+
dyr nac o da arall. kyfreith. a| dyweit na dylyir llad neb
namyn llofrud ny wnel cỽbyl. Ar tir hỽnnỽ a dy+
lyir y rannu rỽng kenedyl ual y rennir galanas. O derfyd.
bot dyn yn gwarchadỽ tir neu da arall. A chyuodi
haỽl arnaỽ a|e dyuynnu yn kyfreithaỽl a gomed dyuyn. ~
Neu deu. Ef a dyly talu camlỽrỽ am pob dyuyn a
o·medho. Os y trydyd dyuyn a ommed. Dotter yr
haỽlỽr yn| y medyant a chamlỽrỽ yr arglỽyd. A ffan
uynho y gỽr a uu yn| y medyant holi; ryd uyd idaỽ.
Onyt amser cayet kyfreith. a|e llud. O derfyd. bot amrys+
son am ynyssed a uo y myỽn dyfred. Ac na bo kyn+
warchadỽ arnunt. Gatter yr neb nessaf y tir ud+
unt. O bydant kynnesset yr deu tir; Bydent deu
hanher. O byd kynnwarchadỽ arnaỽ; gatter yr
kynwarchadỽ. Tri achos y kyll dyn tref y dat. un
yỽ rybudyaỽ gorwlat rac kyrch yd| el arglỽyd a|e ke+
nedyl idaỽ. Eil yỽ brat arglỽyd. Trydyd yỽ mur+
naỽ dyn Canys gỽrthmunach yỽ hỽnnỽ no lled+
rat. Os  a wna ac na chaffer y| daly a|e dihen+
nydu. Ac o|r diwed kymodi a|e arglỽyd. deudyblyc
uyd y tal. Ac yr hynny eissoes ny cheiff tref y tat.
O myn y chaffel aet ruuein y kymryt y penyt a
dyget lythyr y pap ac ymnaet a duỽ   am y
pechaỽt. Ac gỽedy kymotto a duỽ ac a|e arglỽyd