Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 74v

Llyfr Cynog

74v

Mab a dyly y ryeni y dodi dan laỽ effeirat pan
uo seith mlỽyd. Ac yna y byd sarhaet a wnel ac
wnelher idaỽ. Ac ym penn y pedeir blyned ar dec
y dyly gỽrhau y arglỽyd. yn un ulỽyd ar uge+
int y dyly kymryt tir y gan y arglỽyd a llu+
ydaỽ idaỽ a daeredu ual gỽr o hynny allan. Ac
ny bernir ornest arnaỽ yny uo un ulỽyd ar uge+
int. Ac o| teir blỽyd a| thrugeint ny barn kyfreith. ar
neb ornest. Rann un gỽr a| dyly deu euell o tref
tat. Ac yn lle un gỽr y dylyant ornest. Ac o
gyrrant wynteu yn lle un gỽr y dylyant
gyrru. [ Tir y lader* kelein ymdanaỽ neu
a| uo mỽy heb negydyaeth. O kyfreith. hỽnnỽ a elwir
yn wattir. A phlant y neb a| lader bieiuyd y tir
hỽnnỽ. Ny dyly tat defnydyaỽ dylyet y uab
Onyt yn| y oes e| hun. mỽy noc y dyly y mab treis+
saỽ y dat am y tir yn| y oes a chet ys trafnitro
tat y tir; y mab a dichaỽn y dỽyn dracheuyn Eithyr
un tir o kyfreith. yny bo kyuundeb brodyr a cheuyndy+
rỽ a chyferderỽ ac arglỽyd am talu tir yng
galanas hỽnnỽ ny digaỽn mab y dỽyn drachef+
yn. Canys yr mab y prynỽyt hedỽch ual yr tat
o|r tir hỽnnỽ Canys hynny o dynyon yỽ gradeu ny ellir
defnydyaỽ tir heb eu kynghor. Rei o|r yneit a dy+
wedant. O lledir dyn am tir dylyu o|r etiued y tir
hỽnnỽ yn waettir. Ereill a dyweit nat gwa+