Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 63r

Llyfr Cynghawsedd

63r

a holy tracheuyn ac degymỽnni a| thy am+
daney. ac od| amheỽdy henne e mae ymy dy+
gaun a guyr bot en gwyr a| dewedaf. Keyt
eỽ er haulur yna a|y guadu hene a|y enteỽ
ardelu o peth arall a ỽo gwell. Os guadu a
guna muynhaer e| gỽybidieit er amdifen+
ỽr canyt ar e treys y dodes ef e gỽybidieit
namyn ar er eturyt ar degemot 
. od| adef enteỽ er etuyt ar degemot
tryget arnau. Os ef a| deweyt er haulur
Dyoer ep ef ny wadaf| y re eturyt ym am
atuerỽ yt o|m treys sef eỽ henne keynauc.
a phunt oed ỽy treys yneỽ ac ar e kyfreith y do+
daf| y cyn delyỽn y namyn ỽn keynauc o
treys y ty deleỽ o·honaf| y o wyr am hono ce+
meint ac am punt neu enteỽ eturyt ỽe
treys y mynheỽ tracheuen. O guata er
amdifenur gỽadet ỽal e dewedassam ny
ỽchot. Os adef a guna enteỽ atueret y tre+
ys tracheuen a dirỽy er argluit. Os ef a
deweyt er amdifenur   tystu
er argluit ac er egneit ac er gỽyrda na
re| wadỽyt en erbyn ryuot eturyt a dy+
gymot am e treys hono. eythir na caf+
fat cubyl o|r da hỽnnỽ. a dodi ar e kyfreith hyt
nat treys ytheu bellach. namyn delyet