Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 58v

Llyfr Cynghawsedd

58v

guadu a guna er haulur na re| gauas datanut
gater y| guybydieyt er amdiffynur. ac o by+
dant saffedyc dyỽarner er haulur en trage+
wedaul o|y haul.
 guat a eyll bot en test. ac en ỽraudur
ar y peth a| testyr idau en| e braudle. ac
ny eyll bot en test nac en guybidyat nac
en keytwat ar  dym o|r a| gueles cen
cadarnhau e| dỽy| pleyt egyt o| myn ỽot en
braudur ar y datleỽ hỽnnỽ. O deruid bot yg+
nat en angheffredyn e plyth egneyt ereyll
en barnu braud a gurthynebu o egnat a+
rall idau. a| dewedut y ỽot en ageffredyn
ac atep o·honau enteỽ a| dewedut e ỽot ef
en ageffredynach. Jaun eỽ er egneyt ereyll
barnu pỽy geffredynaf onadunt. ar hỽn
a ỽo ageffredinaf onadunt elldeỽ gurtla+
dent o|r braut a barnent hepdau. O deruid
y ỽn o|r denyon pyeufo e| datleỽ tebygu bot
ygnat ageffredyn en| e braut a lyssu ef o
henne. a dody o|r egnat e| pen egneyt ereyll
e| ỽot en guyryon a barnu o|r egneit e ỽot
en gỽyryon ny deleyr eduyn o|r ỽraut
pỽy bynnac. [ ac net llys arnaỽ ef henne.
a ỽenho llyssu egnat llesset cen kewe+
ryaỽ o|r egnat y pleydeỽ am em credu am+
danau. ac ony llessyr ena  ny ellyr y llys+
su er a gunayth eyroyt o cam cen o hen+
ne. Net oes lles ar egnat namen am