Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 58r

Llyfr Cynghawsedd

58r

e| ardelu er haulur. Doter ar e| tyr e eyste hyt
epen e nauvetdyd ac ena atep. ac en er eyl
nauvetdyd. kyfreith. ac ỽelly am datanut burn a
beych. ac o| sseyf e ardelu er haulur doter ar
e tyr e eyste hyt e| trededyd ac ena atep ar
e| pen e| nauỽetded. kyfreith. ac o geyll emgenhal ke+
O deruyd e| den holy tyr a| day +[ yssyet.
ar o datanud ar ac eredic. Deỽet ar
e| tyr a dewedet e| ỽot en eyste ef ar e| tyr hỽn
ar dayar blỽyden a blỽydened. ac ar ac e+
redic idau arnaỽ a henne drỽy rod ac es+
tyn y gan argluyt a guedy henne e| re+
herru en agkyfreithaul y arnaỽ. ac ossyt a am+
heỽo henne bot ydau digaun a|y guypo.
bot en wyr a| dewedeys. ac ena atep o|r
amdiffenur. Dyoer ep ef o| buosty ema kehyt
ac dewedety. ac o|th reherrỽyt en en* agkyfreithaul
odema tytheỽ a yst ema o datanut ac
a|y kefeyst a gỽedy e caffael o·honauty y|th
reherruyty odema ỽal e| gerrey deledauc
aneledauc o gwyr a kyfreith. ac od| amheỽy dy
henne e| mae ymy dygaun a|y guyr bot en
wyr keyt ac y dewedeys. Ony guata er
haulur henne testet er amdyffenur arnaỽ
a galỽet am braut. a| deweded na re| gỽa+
dỽys re| gaffael datanud gent o·honaỽ. a do+
det ar e kyfreith. na dely deỽ datanud am ỽn tyr.
ac ena e| mae Jaun divarnu er haulur
en tragewedaul o|r datanud hỽnnỽ. Os