Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 53r

Llyfr Cynghawsedd

53r

gluid am vraut e| gan eu ygneyd am henne
Jaun eỽ barnu idau teyrbyỽ camlurỽ. En er
eyl datleu camlurỽ heỽyd. En| e tridyd o bit
gomededic dodi er haulur en| e medyant ac
yn er haul ydau enteỽ pan ỽenho y holi. O
deruyd barnu e| deu oet urth porth am tyr. Jaun
eỽ dyỽot paub a|y porth hyt ar e| tyr a|y| defne+
dyeỽ ganthaỽ. ac ena e| mae Jaun er egnat
govyn er amdiffynnwr. a| guna enteu. kyfreith. gunaf
ep| ef. ac ena e| mae Jaun er gnat govyn er
argluid a at enteu. kyfreith. e| regthunt wy gadaf
ep| ef. ac o henne allan e byt e| kyfreith. e medyant
er egneyt. ac ny byt canyat namyn a gan+
hyatho er egneit. ac ena e mae Jaun er eg+
neit neu er egnat gouyn pỽy a| deweit dros+
sot ty. a pỽy drossothytheỽ ac ena e| mae
Jaun eyste en kyfreith. ỽel e| deweyt leuyr hewel.
Ac ena herwyd rey e| mae Jaun er argluit
erchi meychyeỽ ar e kyfreith. herwyd ereyll. keghaus.
er haulur pieu erchy meychyeỽ a galu am
ỽach en kyfreith. ac ena e| mae Jaun y| genhaus
er amdiffynnwr dewedut na dery ỽach ar kyfreith.
eny warandaho y haul a|y messur a pha. kyfreith.
etrycher arney neỽ urthy. a henne herwyd
kyfreith. e| deleher. ac ena e| mae y kyghaus er hau+
lur dewedut e| haul a|y messur a|y priodolder
yd holo a|y o ach ac edryff. a|y o dathanut.
a|y o vamus. a|y o emur ryn. a|y o ter+
uenhu. Ac ena e| mae Jaun rodi mach ar. kyfreith.