Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 48r

Llyfr Iorwerth

48r

eth kyfreitheu da yn| yr ynys honn yn gyn+
taf. Ar kyfreitheu a| wnaeth ef a parhaỽys
hyt yn oes hywel da. Hywel gỽe+
dy hynny a| wnaeth kyfreitheu newyd. Ac a
diuaỽys rei dyuynwal. Ac ny symu+
dỽys hywel eissoes messureu tired yr
ynys hon namyn ual y hedewis dyfyn+
wal Canys goreu messurỽr uu. Ef
a| uessurỽys yr hon. o penryn blathaon
ym prydein hyt  ym penryn pen
gwaed yg ker nyỽ. Sef yỽ
hynny naỽ kant milltir. A| hynny yỽ
hyt yr ynys hon. Ac o crugyll y+
mon hyt yn soram yg glan y morud
pump kant milltir. A hynny yỽ llet
yr ynys hon. Sef achos y messurỽys
yr gỽybot y mal a milltiryeu ac ym+
deitheu y diewoed. Ar messur hỽn+
nỽ a uessurus dyfynwal vrth y gro+
nyn heid. Tri hyt y gronyn heid
yn| y uotued. Teir motued yn llet
y palyf. Tri llet y palyf yn| y troet+
ued. Teir troetued yn| y cam. Tri
cham yn| y neit. Tri neit yn| y tir. ~
Sef yỽ y tir yg kymraec newyd. grỽn.