Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 47v

Llyfr Iorwerth

47v

yr alltudyon mynet y ỽrth eu har+
glỽydi kyn noc eu bot yn priodory+
on; wynt a| dylyant adaỽ hanner
udunt. Ac os o|r ynys hon yd henuy+
dant. Ny dylyant trigyaỽ yn un lle
o|r tu hỽn y claỽd offa. Ac os tra·mor
yd heuydant*; Ny dylyant trigyaỽ
yma. Namyn hyt ar gwynt kyntaf
y caffỽynt uynet tu a|e gỽlat. Ac
o trigyant ym·choelent ar y keithi+
wet ual kynt. Ereill a dyweit na
dylyant uynet hyt ar y trydyd gwynt
ac os y mab uchelỽr ac eu gyrr wyn+
teu kyn eu bot yn priodoryon oc eu
hanuod. Ny dyly hỽnnỽ dim udunt
yn* no dỽyn coron [ oc eu da; ~
lundein a|e theyrnwialen o saes+
son. Dyuynwal moel mut a oed
urenhin ar yr ynys hon. A mab oed
hỽnnỽ y iarll kernyỽ o uerch bren+
hin lloygyr. Ac gỽedy diffodi tadỽ+
ys y urenhinyaeth. y cauas ynteu hi+
hi o gogeil ỽrth y uot yn vyr yr
brenhin. Ar gỽr hỽnnỽ oed aỽdur+
dodus doeth. Ar gỽr hỽnnỽ a wna+