Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 42v

Llyfr Iorwerth

42v

byd erỽ diffodedic yn tir kyfrif. Na+
myn o byd y ryỽ erỽ honno yndaỽ. y
rannu o|r maer ar kyghellaỽr yn ky+
ffredin y paỽb kystal a|e gilyd. Ac
ny dyly neb kychwyn o|e tydyn kyfreithaỽl
o geill caffel kyhyded ymdanaỽ o tir
arall. Ac ual y dywedassam ni uch+
ot am y llall y uelly maer y bisweil
y wneuthur am tir y uaertref
gan adel paỽb yn| y tydyn herwyd
y gallo oreu. Ny dyly un tir bot
yndi urenhin O byd abbat tir ef
Ef a dyly udunt o bydant leygy+
on. dirỽy. A chamlỽrỽ. Ac amobyr
ac ebediỽ. A lledrat. A lluyd; O|r
byd tir yspyty ef; Ef a dyly lled+
rat. Ac ymlad. Ac vrth hynny nyt
oes un tir hebdaỽ. Pan uo
marỽ yr esgob. y brenhin a| dyly
y da oll. Canys diffeith brenhin
yỽ pob da heb perchennaỽc idaỽ.
Eithyr gwisgoed yr eglỽys a|e
thlysseu. Ac a perthyno atei. ~