Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 34v

Llyfr Iorwerth

34v

o byd reit yr pleit y gouynner y
geir kyuarch idi vrth kymryt kyg+
hor. Aent hỽy gan ganyat yr yg+
neit y kyghor. Sef yd ant y niuer
y buant yn eu kyghaỽssed heb uỽy. ~
Ac gwas yr arglỽyd y gyt ac vy y
cadỽ rac dyuot neb y kyghor y gyt
ac hỽy. Ac o daỽ neb neb* attadunt
a|e kyghoro. Talet ef camlỽrỽ yr bren+
hin a bit anolo y kyghor. Ac gỽedy
darffo y kyghor. Deuent y deu hyn+
ny ar yr ygneit. A datkanent yr yg+
neit y kyghor. O deruyd na bo
reit vrth eir kyuarch. Jaỽn yỽ ga+
del udunt eu hardelỽ; A gyrru deu
y ouyn pỽy eu gỽybydyeit ac eu ke+
itweit a pha le y maent. O dywe+
dant eu bot yn| y maes. mỽynhaer
wynt. O dywedant eu bot yn un
kymỽt ac ỽy. Roder oet tri dieu ud+
unt. O dywedant eu bot yn| yr eil
kymỽt. Roder oet naỽ nieu udunt
O dywedant eu bot yg gỽlat arall
neu uot llanỽ a threi y·rydunt
ac wynt. Oet pytheỽnos o|r dyd
hỽnnỽ os kyn hanher dyd uyd.