Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 31v

Llyfr Iorwerth

31v

yn cayat. A naỽ nieu gỽedy gỽyl san+
ffreit yn agoret y kyfreith. rac cayu y kyfreith~
yn un dydyaỽc. Ac yn un funyt a| hyn+
ny naỽ nieu gỽedy kalan mei yn ca+
yet. A naỽ nieu gỽedy aỽst yn ago+
ret; rac agori y kyfreith. yn un dydyaỽc hefyt
Pỽy| bynhac a| uynho kyffroi haỽl am
tir a| dayar. kyffroet pan uynho o
naỽuet dyd kalan gayaf allan. Neu
o naỽuet mei. Canys yn| yr amseroed
hynny y byd agoret kyfreith. am tir a| dayar.
O deruyd y haỽlỽr mynnu holi tir a| dayar
deuet yn| yr amseroed hynny ar yr arglỽ+
yd y erchi dyd y warandaỽ y haỽl a| hyn+
ny ar y tir. yn| y dyd hỽnnỽ datcanet y
haỽl. Ny dyly caffel atteb y| dyd hỽnnỽ.
Canys haỽl deissyueit yỽ ar y gwerch+
eit·weit. Ac vrth hynny y gwercheit+
weit a| dylyant oet vrth eu porth. Jaỽn
yỽ yr haỽlỽr y ludyas udunt Onyt y kyfreith.
a| dyweit y dylyu. Ac yna y mae iaỽn
yr ygneit eu gwarandaỽ. Ac gouyn
pa le y mae eu porth. O dywedant bot
eu porth yn| y kymot e| hun. Roder oet
tri dieu udunt. O byd yn| yr eil kymỽt
naỽ nieu. O byd yn| y trydyd. Neu uot lla+
nỽ a| threi y ryngtunt ac eu porth. Os