Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 29r

Llyfr Iorwerth

29r

a uyd arnaỽ. Galwet yr haỽlỽr am
uraỽt. Ac sef a uernir idaỽ. y lỽ ar y
seithuet y wadu. A| hynny ual y gwat+
ter mach. Ar oet a uo a reith mach ynot
ar hỽnnỽ. O deruyd yna llyssu un o
reith·wyr hynny; Nyt oes lys arnaỽ
namyn na hanffo o|e genedyl ual na
dylyo bot yn reithỽr idaỽ. Sef ual
y dyly uot yn reithỽr idaỽ. yn kyn
nesset ac y talo y alanas y gyt ac ef. ~
ac y kymero drostaỽ. Ac ỽrth lỽ y reith+
ỽr bot yn wir y gerennyd. O deruyd
y dyn gỽneuthur ammot a|e gilyd heb
amotwyr ar llaỽ yn| y gilyd. Ar neill
yn mynnu gwadu na daỽ arnaỽ
namyn y lỽ e hun y wadu. O deruyd y
dyn ymadaỽ ac arall yg gỽyd tyston
am peth. A mynnu eilweith y wadu
o·honaỽ. y kyfreith. a| dyweit na dyly ef y*
yny pallo y tyston. O deruyd y dyn
ymadaỽ ac arall am peth heb tyston
yn| y lle nyt ammot hỽnnỽ. A chanyt am+
mot gwadet y lỽ e| hun. Ny
dyly neb gỽneuthur ammot dros y
gilyd Canys ny phara ammot namyn
yn oes y dyn ae gỽnel. Ny dyly