Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 27r

Llyfr Iorwerth

27r

ystyl rac y wadu o·honaỽ eilweith a|e yr
chwant y da. A|e yr peth arall na|s rod+
assei. Ny dyly neb dywedut nat
el yn uach dros y gilyd o byd kyfryỽ
vr ac y dylyo uynet yn uach. llawer
o kyfryỽ dynyon ny dyly mynet yn
uach na rodi mach. Sef achos yỽ Ca+
ny dylyant hỽy gwadu mach; Ny dyly+
ant wynteu rodi mach. Nyt amgen
ac her·mitwyr. A dyn aghyfyeith ac
yscolheic yscol. A phob dyn ny allo heb
gannyat arall dyuot y wassanaethu. kyfreith.
O deruyd y| dyn rodi mach ar dylyet
a dygỽydaỽ yr oet yn un o|r teir gỽyl
arbenhic. y nadolyc ar pasc ar sulgwyn
yr holi o·honaỽ ny chyll onyt y annot.
Os duỽ nadolyc y kyffry y haỽl. Ny
cheiff atteb hyt trannoeth wedy dy+
ỽ kalan. Os dyỽ pasc uyd dyỽ maỽ+
rth wedy dyỽ pasc bych·an y dyry at+
teb. Os dyỽ sulgwyn uyd dyỽ maỽ+
rth gwedy y sul nessaf yr sulgwyn
ar teir vythnos hynny a elwir oc
eu breint yn un dyd dedon. Nyt reit
kymryt mach ar dilysrỽyd aryant
nac ar tlysseu treigledic. kae. A
chyllell. A gỽregys. Nac ar arueu