Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 19r

Llyfr Cynog

19r

methu a wna ual kynt. Ef a| eirch heuyt y do+
ethon. Racritha dy eir kyn noe dodi. A medy+
lya dy weithret kyn y wneuthur. O myny cadỽ
dy ỽyneb Cadỽ dy tauaỽt. O mynny cadỽ dy
da Cadỽ dy dỽrn. A phỽy| bynhac a catwo y ke+
igeu hyn yn da a dysc o|r kyfreith. Muredic ac a| perth+
yn ỽrthunt. Teilỽng yỽ y warandaỽ. Canys
deu peth. Doethinep a| kyfreith. ygyt. Ac ỽrth hynny
y dywedir; Ny byd ynat nep yr dysc. Ny byd yg+
nat neb heb dysc. yr a| dysco dyn byth ny byd
ynat Ony byd doethineb yn| y callon. yr doeth+
et uyth uo dyn ny byd ynat Ony byd dysc gyt
ar doethineb. Can dyweit yr yneit bot tri chyg+
haỽs yg kyfreith. Ac un ohonunt. Un o·honunt a| el+
wir dadyl mach a| chynogyn. A honno pe bei y dyn
hydyscaf a mỽyhaf y kyfreith. yn| y dysgu o|e uebyt
hyt y heneint. Ef a allei damweinaỽ kyuarch
attaỽ ny chlyỽhei eiroet kyn no hynny. kyfreith. uel
y bei reit idaỽ trỽy doethinab y dosparth can+
yt yd| oed yg kyfreith. Ac ỽrth hynny y mae pennach
y doethineb no|r dysc Canys ananaỽl yỽ do+
ethineb. A| chanys damwein yỽ y dysc ac y
gan arall y daỽ; O deruyd y ỽr kerdet ar
hyt ford a gỽreic y gyt ac ef. A throssi ygyt y*+
gyt ar gỽr dros y ford o|e bod o·heni. A bot genti
o|e bod. Ac gỽedy del yr kyuanhed. A chỽynaỽ ỽrth