Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 15r

Llyfr Cynog

15r

heb karchar a heb oet dadleu rac llaỽ. Sef
yỽ hỽnnỽ ychennaỽc didim gỽedyr omed o car+
daỽt neu westua yn tri thei y dyd hỽnnỽ;
o digaỽn proui hynny ryd uyd. Ac Onys di+
gaỽn Eneit uadeu uyd. Tri gwaet nyt
ynt un ureint nac un werth ar un dyn;
Ac un sarhaet ynt. Sef yỽ y tri hynny;
Gwaet hyt rann Gwaet hyt len. Gwaet
hyt laỽr. Gwaet hyt rann yỽ un a| del o penn
dyn hyt ar y rud. vyth ar| ugeint yỽ
gwerth hỽnnỽ a| diuỽyn y sarhaet idaỽ
herwyd y ureint. Gwaet hyt len yỽ
un a del o penn dyn hyt ar y dillat. un ar
pymthec a deugeint yỽ y werth ac un sar+
haet yỽ ar kyntaf. Gwaet hyt laỽr yỽ
un a| del o penn dyn hyt laỽr. Gwerth hỽnnỽ
yỽ chweugeint. Ac un sarhaet yỽ ar deu
ereill a dywedassam ni ury. O|r chweugeint
hynny. hanher yr arglỽyd. Ar hanner ar+
all yr kolledic. Sef achos yd| a yr arglỽyd
am waetledu y tir. Sef achos yd a yr colle+
dic am y codet*. O werth dyn hỽch y
arall ac yn torraỽc a mach idaỽ ar ugeint
am pob parchell neu a| uei uỽy. Neu a
uei lei o|r a| dotwei yr hỽch. A dotwei o|r hỽch