Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 114v

Llyfr y Damweiniau

114v

hyt un dyd a blỽydyn. Ac yna dyget
vystyl mal am dylyet arall. Ebediỽ
maer kyghellaỽr. Punt. Ebediỽ maer
chweugeint. Ebediỽ kyghellaỽr. chweu+
geint. Ebediỽ mab eillt o|r byd eglỽys ar
y tir. chweugeint. Ony byd trugeint. E+
bediỽ alltut pedeir ar| ugeint. Ebediỽ ys+
tauellaỽc. pedeir ar| ugeint. ystauellaỽc o
wreic. un ar| pymthec. Ac yr perchennaỽc y bo
arnaỽ y telir. Nyt a ebediỽ yn ol tir kyn+
nyd. O deruyd. gwahanu dyn a|e tir yn| y uywyt
a|e uarỽ ef gwedy hynny. Nyt a yr ebediỽ
yn ol y tir. Namyn yn ol y da. Ac Ony byd dim
o|r da. Bit diffodedic yr ebediỽ. Pob sỽyda+
ỽc yn| y llys. chweugeint yỽ y ebediỽ. Eithyr
penogyon y llys. Nyt amgen. distein. pen+
gwastraỽt. Penhebogyd. penkynyd. gwas
ystauell. punt yỽ ebediỽ pob un o·nadunt.
Bonhedic canhỽynaỽl a mab uchelỽr. A gỽr
kyuarỽssaỽc. ebediỽ a| telir kyny bo tir yn| y
laỽ. Sef ual y| dyly y talu vrth ureint y tir
yd henyỽ ef o·honaỽ. Ac ny thal y tat dros y ky+
uryỽ ỽr hỽnnỽ ebediỽ. O byd gỽr a deu arglỽ+
yd idaỽ. A thir idaỽ y dan pob un o·nadunt. ~
Ef a| dyly talu ebediỽ o bob o·nadunt. O byd
gỽr deu tir y dan un arglỽyd. Ef a| dyly ta+
lu o|r tir mỽyhaf y ureint y ebediỽ. O| deruyd. y