Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 108r

Llyfr Iorwerth

108r

taf a del o|r tarỽ heit. vyth. keinaỽc. kyfreith. a| tal.
yr heit gyntaf a| del o|r trydeded* heit
pedeir. keinaỽc. . heb ardyrchauel. A| hon+
no ny dyly heidyaỽ. [ hyt gwedy aỽst. A
honno a| elwir asgelleit. Modrydaf
gwenyn. pedeir ar| ugeint a| tal. Ac
y uelly hyt kalan gayaf y bydant.
O kalan gayaf allan henlleu uyd
pob un a phedeir ac ugeint y gwerth
Heit yr asgelleit. Ny byd hen lleỽ
hyt kan* mei. Cany wys a| uyd byỽ
hyt yna. llyma ry| welas. Joruerth uab
madaỽc bot yn gryno y ysgriuenu gwerth
y tei ar dod·reuyn. A chyuar. A llỽgỽr yt.
kyntaf yỽ o·nadunt.
Pỽy| bynhac a| distrywo neuad y
brenhin. Talet deugeint o bob
gauel a| gynnhalo y nen. Sef yỽ
hynny chwech cholouyn. A phedwar
ugeint ar y nen. A chweugeint ar
pop un o|r godey. Neuad mab
uchelỽr ugeint ar pob gauel y nen
a| thri ugeint ar pob un o|r godei.
Ty mab eillt dec. keinaỽc. kyfreith. ar pob ga+
uel nen. ac ugeint ar y nen. a dec
ar| ugeint ar pob un o|r godei. ~