Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 104v

Llyfr Iorwerth

104v

yn| y tryded. teir. keinaỽc. yn| y pedwared
pedeir. keinaỽc. ac y uelly y byd. Pỽy| byn+
hac a| wertho dinawet. iaỽn yỽ ida+
ỽ y oruot arnaỽ rac tri heint y
gwarthec ac yn ragor rac y clafri
hyt vyl padric. Ar neb a|e pryno
y dinawet a| dyly y kadỽ yn lle iach
ac y myỽn ty ny ryffo clauri yndaỽ
seith mlyned kyn no hynny. ~
Gwerth parchell o|r nos y ganher
yny el y tonnau. keinaỽc kyfreith. hyt tra uo
yn dynu. dỽy. keinaỽc. Sef yỽ hynny tri
mis. Ac o hynny yny el y moch yr
coet banỽ uyd. A phedeir. keinaỽc. a| tal.
ac yỽ y werth. Ac vyl ieuan hyt
y kalan pymthec a| tal. Ac o|r kalan
hyt vyl ieuan. chweinaỽc*. Ac yna
y dan y coet ual y uam. a dec ar uge+
int yỽ y werth. Teithi hỽch na bo
baed·redaỽc ac nat ysso y pherchyll
a|e goruot teir nos a| thri dieu rac y
uynyglaỽc. Neu ot ys y pherchyll neu
o| byd baed·redaỽc. atuerher y trayan
werth. herwyd ereill y hanher gwerth
kymeint yỽ gwerth y hael a|e gwerth