Breudwd Rhyddiaith Gymraeg 1300-1425
English

LlGC Llsgr. Peniarth 35 – tudalen 102v

Llyfr Iorwerth

102v

arall ac aghyfarch. O deruyd cloffi
march ym benffic neu uriỽ arall;
roder march kystal ac ef yny uo iach
Trigyet gantaỽ hỽnnỽ. Pedeir
pedol ac eu to holyon. Dỽy. keinaỽc. O
gwerthir march a| thỽyll yndaỽ ac
na bo o·dieithyr y croen. Ony byd
un o|r tri heint. Ny dylyir Onyt y lỽ
na|s gỽydat
GWerth eboles. pedeir. keinaỽc. kyfreith. hyt
ym pen y pedwarydyd ar dec gỽe+
dy y ganer. Ac o hynny hyt ym pen
y blỽydyn un ar pymthec. Ac o hyn+
ny hyt ym pen y dỽy ulyned. dỽy
ar ugeint. Gwedy bo teir blỽyd.
tri ugeint. ac yna gwein arnei.
Gwerth y mỽng. un werth a|e che+
bystyr. i. keinaỽc. y theithi yỽ tynnu
karr yn allt ac yg gwaeret a
dỽyn pỽn. Ac Ony byd y uelly at+
uerer y trayan werth.
AM lo o|r nos y ganher hyt ka+
lan gayaf. pedeir. keinaỽc. kyfreith. O
kalan gayaf allan. Dỽy. keinaỽc. pob
tymhor hyt yr aỽst y dyly y hymol.