LlGC Llsgr. Peniarth 33 – tudalen 98
Llyfr Blegywryd
98
o|berigẏl gỽerth ẏ|tauot. ac nẏt oes
werth gossodedic ẏ|kẏuerith* hẏwel
da ar aẏlawt a|gỽaet a|sarahaet dẏ+
n eglỽẏssic. ac ỽrth hẏnnẏ nẏ eill
neb ohonunt ỽẏ rodi gỽẏstẏl ẏn
erbẏ* braỽt. na|chẏt a|braỽt. Hoỻ ar+
gẏỽed segẏrffẏt* a|wnelher ẏ|r eglỽ+
ẏssỽẏr a|dẏlẏir ẏ|en˄iendeuhau* v ̷+
dunt ẏnn|ẏ send* herỽẏd kẏureith
eglỽẏssic Tri pheth a|dẏlẏ pob
braỽdỽr ẏ|warandaỽ ẏ gan ẏ|kẏn+
heuwẏr kẏn barnu ẏ|neb ohonunt
ẏn enill nac ẏn gollet. nẏt amgen
Cỽẏn. a|deisẏf. ~ ac atteb Pỽẏ
bẏnnac a gollo peth trỽẏ braỽt
termẏc*; ef a|dichaỽn rodi gỽy*+
tẏl ynn|ẏ erbẏn pan ẏ|mẏnho o
vẏỽn vn dẏd a|blỽẏdẏn. ẏnn|ẏ|vlỽ+
ẏdẏn gẏntaf ẏ caffo ef iaỽn ẏ
gan ẏ|brenhin. a|r|braỽdỽr a|rodes
ẏ|varnn ẏn seuẏll ỽrth gẏureith
trỽẏ ẏ|veint amser hỽnnỽ. O|r o
ỽẏỽn ẏr amser hỽnnỽ ẏd ẏmỽẏs ̷+
tla ef ẏn erbẏn ẏ|varn; ef a|dẏlẏ+
| « p 97 | p 99 » |