Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 87

Llyfr Blegywryd

87

ẏ argẏỽed o gyfreith ac nẏ dangos  ̷+
ser. Trẏdẏd ẏỽ; collet nẏ wẏppo
gỽlat o|neb rẏỽ hẏsbẏssrỽẏd ẏr ha+.
ỽlỽr ẏ|gollẏ Tri rẏỽ diebrẏt ẏs+
sẏd. vn ẏỽ. dỽẏn peth ac nat atu+
erer dracheuen. Eil ẏỽ adaỽ argẏ  ̷+
ỽed ar dẏn neu ar|ẏ eidaỽ. heb|wneu+
thur iaỽn na hedỽch ẏmdanaỽ.
Trẏdẏd ẏỽ. diebrẏt dẏn o|e dẏlẏet
dros amser ẏ|talu O tri mod y k+
ae kẏfureith rỽg haỽlỽr ac amdi  ̷+
ffinnỽr. vn ẏỽ; o golli ẏ|amser. a  ̷
hỽnnỽ a|damweinha o|laỽer mod
Eil ẏỽ. hal heb perchen. Trẏdẏd
ẏỽ; teruẏnu ẏ|dadẏl kẏnno hẏn+
nẏ Tri theruẏn kẏureithaỽl
ẏssẏd. vn ẏỽ; teruẏn o gẏuundeb
|pleideu. Eil ẏỽ; teruẏn gossode  ̷+
dic trỽẏ gẏmrodedỽẏr rỽg plei+
deu. Trẏdẏd ẏỽ; teruẏnu trỽẏ
varn Teir dadẏl a dẏlẏant eu
iachau. ac eu barnu trỽẏ detu  ̷+
rẏt gỽlat. ẏn erbẏn haerllu  ̷+
grỽẏd; vn ẏỽ. dadẏl am venffic