Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 83

Llyfr Blegywryd

83

tu ar dẏn dẏwedut ẏr hẏnn nẏs dẏ+
ỽat. Llẏs. A|braỽdwẏr a|e|clẏwho a|dẏ+
lẏant eu dỽẏn ẏn varwawl trỽẏ arch
ẏr amdiffẏnnỽr os koffa. ~ ~ ~ ~ ~ ~
T ri gwahan ẏssyd rỽg gwẏbẏ+
dẏeit a tẏston; gỽẏbẏdẏeit
am a|uu. kẏn ẏmhaỽl ẏ|dẏgant eu tẏs  ̷ ̷+
tolẏaeth. ac nẏt ef||dỽc tẏston. Eil
ẏỽ; gwẏbẏdẏeit bẏeu deturẏt eu
gỽẏbot ẏg|kẏureith tẏston. kannẏ rẏ
tẏster vdunt. Ac nẏs bieu tẏston.
Trẏdẏd ẏỽ gwẏbẏdẏeith* bẏeu dỽ  ̷+
ẏn tẏstolẏaeth ẏn erbẏn gỽat ac
amdẏffynn.  Sef ẏỽ hẏnnẏ; gwẏ*+
bẏdẏeith bieu proui gỽir gỽedi geu  ̷
Ac nẏs pieu tyston. Teir fford
|mae kadarnach gwẏbẏdẏeit no
thẏston. vn yỽ. gallu dỽẏn lliaws
o|wẏbẏdẏeit am vn peth ẏg|kẏfreith
neu vn gwẏbẏdẏat megẏs mach
Ac nẏ ellir dỽẏn na mỽẏ na|ỻei no
deu tẏston. Eil ẏỽ; gallu dirỽẏaỽ
dẏn neu ẏ|werthỽ* trỽẏ wẏbẏdẏeit
Ac nẏ ellir trỽẏ tẏston o gẏureith