Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 76

Llyfr Blegywryd

76

ẏnn|ẏ chẏwẏres a|e dỽẏ laỽ ẏnn|ẏ gẏ+
fuarffỽẏnt. kẏt bo marỽ nẏ|diwgir*
Trẏdẏd ẏỽ; o|r rodir tỽẏlluorwẏn ẏ|ỽr;
A gỽedẏ phroui* ẏ|chafel ẏn twẏỻuor+
wẏn. a|mach ar||morwẏndaỽt. kẏt as
gwanho a|e laỽ. neu a|e|troet dros ẏ
gỽelẏ ac na|s llatho nẏs diỽc. Hỽrd he  ̷+
uẏt a|wanho a|bonllost ẏndi nẏ diwe*+
gir idi. A|hẏnnẏ ẏỽ kẏureith twẏll+
uorwẏn Tri da nẏt reit mach ar+
nunt; da a rotho arglỽẏd ẏ|dẏn. A
ch·ẏmẏn a|gẏmero offeirat ẏ|gan
|marỽ. A da a gẏmero medyc ẏ|gan
ẏ neb a|ỽedẏginaetho ~ ~ ~ ~
T Eir marỽ tistolẏaeth ẏssẏd
am tir. ac a|ssauant ẏg|kẏfu+
reith a|barn ỽn ẏỽ o|r kẏffroir
dadẏl am|tir ẏ* |llẏs. A|e|theruẏnu
ẏg|gỽẏd gwẏr ẏ|ỻẏs. gỽedẏ bo marỽ
|rei hẏnnẏ oll. tẏstolẏaeth eu he+
tiuedion hẏt ẏ gorỽẏron. neu ach+
wanec a|gredir am|ẏr hẏnn a|glẏ+
wssant ẏ|gan eu reeni o|r dadyl ho+
nno. A|r rei hẏnnẏ a|elỽir gỽybẏ+