Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 74

Llyfr Blegywryd

74

ẏt Tri chẏfrỽch dirgel ẏ|dẏlẏ ẏ|bren  ̷+
hin eu kaffel heb ẏ|ẏgnat. Gẏt a|e offei+
rat. a|ch·ẏt a|e|wreic. a|chẏt a|e vedyc
Teir notỽẏd kẏureithaỽl ẏssẏd; no+
tỽẏd ẏ|medic. y|wniaỽ gỽelioed; A|no+
tỽẏd ẏ penkẏnẏd ẏ|wniaỽ ẏ|cỽn rỽ+
ẏgedic. Gỽerth pob vn o|r rei hẏnnẏ
ẏỽ; pedeir kẏinnaỽc kẏfreith. A|no+
tỽẏd gỽreic kẏỽrein araỻ keinnaỽc
kẏfreith. Teir kẏurinach ẏssẏd
weỻ eu hadef noc eu kelu. brat ar  ̷+
glỽẏd. a|e goỻedeu. A chẏnỻỽẏn. A|llad
o|dẏn ẏ|tat. ot adeffir ẏg|kẏurinach
Tri anẏuail vn troedaỽc ẏssẏd. M+
arch. a|hebaỽc. A|milgi. ẏ|neb a|torho  ̷
troet vn ohonunt. talet ẏ|werth ẏn
hollawl. Tri phren a|dẏlẏ pob a  ̷+
deilỽr maestir ẏ|gaffel ẏ|gan ẏ|neb
pieiffo ẏ|coet mẏnho ẏ|coetỽr na  ̷ ̷
mẏnho. Nenbren. A|dỽẏ|nenfforch
Tri pheth nẏ|chelir kẏn coỻer ẏn
rantẏ. kẏllell. A|chldiyf*.  A|llaỽdỽr
Teir sarhaet kelein ẏnt; gofẏn
pỽẏ a|ladaỽd hỽnn. Pieu yr elor honn.