Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 70

Llyfr Blegywryd

70

a|vei ẏ|bore ẏn taẏaỽc a|r|nos honno
ẏn ỽr rẏd. Eil ẏỽ; dẏn ẏ|rotho ẏ  ̷ ̷
brenhin vn o|r pedeir sỽẏdeu ar|hu+
geint llẏs brenhinaỽl idaỽ. kẏn|ro+
di ẏ|sỽẏd idaỽ ẏn|taẏaỽc. A gỽedẏ
rodi ẏn wr rẏd. Trẏdẏd ẏỽ; ẏscol+
heic ẏ|dẏd ẏ|caffo gorun ẏn vab ta+
ẏaỽc. A|r nos honno ẏn wr rẏd  
T ri gwerth kẏfreith beichogi
gwreic; vn ẏỽ; gwaet kẏn
delwat. wẏth a|deugeint a tal. o|r co  ̷+
llir trỽẏ greulonder. kẏn dẏuot e  ̷+
neit ẏndaỽ. o|r collir trỽẏ greulon+
der; traẏan ẏ|alanas a|telir ẏmda+
naỽ Trẏdẏd ẏỽ; gỽedẏ ẏd|el eneit
ẏndaỽ; talu cỽbẏl o|e alannas a|dẏ+
lẏir o|r collir trỽẏ greulonder. ~ ~ ~
O |tri mod ẏ|gỽedir kẏssỽẏnblant
o|genedẏl; vn ẏỽ ẏ|neb a|dẏw+
etter ẏ|vot ẏn|tat idaỽ. o|r bẏd bẏỽ
a|eill ẏ|wadu ar ẏ lỽ e|hun. Onnẏ vẏd
bẏỽ ẏ|tat. penkenedẏl a|seith laỽ
kenedẏl ganthaỽ a|e gỽatta. Ac ve  ̷+
llẏ mam. neu genedẏl mam a|di+