Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 52

Llyfr Blegywryd

52

vn ẏỽ; galanas heb ẏmdifuỽyn. Eil
ẏỽ; o|vot dadẏl am|tir ẏr rẏdunt* heb
ẏ theruẏnu; Trẏdẏd ẏỽ; kamaruer
o|vn o|wreic ẏ|llall. Os eu llẏssu a|ellir
palledic ỽẏdant;  Onnẏ eỻir; tẏston
diball vydant Tẏston a|ellir ẏ
gỽrthneu pan dechreuhont eu tẏstolẏaeth
oc eu seuẏll. megẏs na bo reit eu llyssu.
Ac vellẏ gỽẏbẏdẏeit. nẏt amgen. no|th+
rỽẏ obẏr. neu trỽẏ eu|bot ẏn gẏfrannaỽc
ar ẏr hẏnn ẏ|bo ẏ|dadẏl ẏmdanaỽ. neu  ̷
o|torri ffẏd ẏn gẏfadef. neu o anudon kẏ+
hoedaỽc.  neu lletrat kẏfadef. neu o|vot
ẏnn|ẏsgẏmun geir ẏ|enỽ; O|r gellir proui
hẏnnẏ trỽẏ wlat. eu gỽrthneu a|ffẏnna
Yg|kẏfureith rufein ẏ|keffir; y|lle nyt en+
wher rif tẏston. digaỽn ẏỽ deu|tẏst. Y|gẏ+
freith honn a|dẏweit; nat cỽbẏl tẏstolẏaeth
vn tẏst. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
N Aỽ dẏnẏon a|gredir pob vn ẏn dỽẏn
tẏstolẏaeth gan tẏghu. kyntaf ẏỽ
arglỽẏd ẏrỽg ẏ|deuwr trỽẏ|na bo ef ẏn|gẏ+
furannaỽc ar ẏ|dadẏl. neu ar ẏr hẏnn
|bo ẏmdanaỽ. ac adef o|r gwẏr rẏ|uot