Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 51

Llyfr Blegywryd

51

darffo hẏnny; gouẏnent ẏ|r tyston. ae|wẏnt
a|enwẏs ẏ|cỽnnỽr* ẏn tyston. a|pheth a|tẏstỽ+
ẏs vdunt. heb amgen braỽf arnunt. ka+
nnẏt oes aruer o|braỽf ẏnn|ẏ kẏfreithu*
hẏnn; Os ẏ tẏston a|geffir ẏn vn a|r|cỽẏ+
nnỽr am eu tẏstol·ẏaeth; Tẏstet ẏ|cỽẏ+
nnỽr eil weith ẏ|ereill hẏnnẏ. Os tewi
a|wna ẏr amdiffẏnnỽr. ẏ|tẏston kẏn  ̷+
taf a|dẏlẏant tẏstu nat aeth ẏr amdif+
fẏnnỽr ẏn eu herbẏn. Os eu llẏsu a|w+
nna. tẏstent wynteu eu llẏssu ẏnn
amsseraỽl. Ac vellẏ o|r deu|bỽnc trỽẏ tys+
ton prouadỽẏ ẏd eir ẏnn|ẏ erbẏnn ef.
Os ẏr amdiffẏnnỽr a|gerda ẏ mod a|uo
gỽell; dẏwedut ỽrth ẏ|tẏston. kẏt|as
dẏccoch aỽch tẏstolẏaeth llỽ. Elchỽẏl
|bernir ẏ|r tẏston ar eu|llw kadarnhau
eu tystolẏaeth megẏs ẏ|tystỽẏt ỽdunt
Os tẏgant ac na llẏsser ỽẏnt ẏr haỽ  ̷+
lỽr a oruẏd. O|r pallant ỽẏnteu; yr am+
diffynnỽr a|oruẏd. Hẏsbẏs ẏỽ; meae*  ̷
gỽede llỽ ẏ|dẏlẏ ẏr amdyffynnỽr llẏsssu
tẏston. Os kẏnn llỽ ẏ llẏssa; dadẏl a
gẏll. Tri achaỽs ẏssẏd ẏ|lẏssu tẏston;