LlGC Llsgr. Peniarth 33 – tudalen 49
Llyfr Blegywryd
49
heb whithret* llaỽ neu droet. camlẏrẏus
vẏd; Tal dros affeitheu galanas a|uỽynt
gẏffuaded*; ẏ|r·eeni a|chẏt·etẏuedẏon ẏ ̷
lladedic ẏ|telir o|gyfreith o|r cỽẏnant ẏmda ̷+
naỽ. Ac ef a|dẏlẏir talu reith vdunt ỽẏ.
ac ẏ|r genedẏl mal kẏnt. ẏ|diwat llofu+
rudẏaeth os gouẏnant. neu dalu galanas
vdunt. Y neb a|difero* rac lladron da a ̷
dẏccer ẏn lledrat ar|tir nẏ phieiffo; ẏ|trẏ ̷+
ded rann o|r gobẏr diffrẏt a|geiff. a|r dỽẏ rann
a|geiff arglỽẏd ẏ|tir. Gwerth lleidẏr a ̷ ̷
werther; seith punt. O|r daỽ lleidẏr at o ̷+
ffeirat ẏ|adef. ac ẏ|enwi ẏ|getymeithon am
letrat a|tẏghu hẏnnẏ ar|drỽs ẏ|vẏnwent.
ac ar|drỽs ẏ|cor. heb eu kelu; beth|bẏnnac
a|darffo ẏmdanaỽ gỽedẏ hẏnnẏ; credadỽẏ
vẏd ẏr offeirat am|ẏr hynn a|dẏwawt ẏ
lleidẏr ỽrthaỽ. Kẏffelẏb vod a hẏnnẏ ỽẏd
am dẏn a|ỽanacco lleidẏr a|lledrat a|dẏccer.
o|r tỽng ẏ|vanac val hẏnnẏ ẏg gỽẏd ẏr o+
ffeirat. Pỽẏ|bẏnnac a|dẏwetter arnaỽ
anreithaỽ dẏn arall; os dẏwat. rodet lỽ de+
gwyr a|deugeint. MAnagỽr diofredaỽc
o|r daỽ gẏt a|r colledic at ẏr offeirat ẏ|drỽs
| « p 48 | p 50 » |