Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 41

Llyfr Blegywryd

41

yn sẏmut o|e le ẏr hẏnn a|dyccer ẏn
lletrat; Beth bẏnnac a|wnelher ẏg
kẏlch ẏ tri gweithredeu hẏnn; affeith
yỽ ỽrth lad. neu losc. neu letrat. Ac
ỽrth hẏnnẏ ẏ tri naỽ affeitheu ach+
wẏsson ẏnt. trỽẏ ẏ|gwnneir ẏ|gwei+
thredoed hẏnn;. Trỽẏ gytssẏnyaỽ. Ac
ỽrth hẏnnẏ; kẏttssẏnẏaỽ ẏỽ. ỽrth
holl affeitheu. rei ohonunt trỽẏ olỽc
Ereill trỽẏ eireu. Ereill trỽẏ weithre+
doed. megẏs llẏgatrudẏaeth. nev tauo+
trudyaeth. neu wẏithret* a|uo llei no|r
mỽẏhaf. Sef ẏỽ ẏ|mỽẏhaf colofẏn
K Yntaf affeith ẏỽ; [ kẏffẏr*
menegi ẏ|r lloffrud ẏ|lle ẏ|bo ẏ
dẏn a|vẏnhei ef ẏ|lad. Eil ẏỽ;
rodi kẏghor ẏ|lad ẏ|dẏn. Trẏdẏd ẏỽ; dis+
gỽẏl brat ar ẏ|dẏn. Petwerẏd ẏỽ; dan+
gos ẏ|dẏn ẏ|r llofurud a|vẏnnei ef ẏ|lad
Pẏmhet ẏỽ; mẏnet ẏg|kẏtemeithas
|ỻofrud pan el ẏ|lad ẏ|dẏn. Whechet yỽ;
dẏuot ẏgẏt a|r llofrud ẏ|r tref ẏ|bo ẏ
dẏn ẏndi a|lather. Seithuet ẏỽ; kẏ*+
kmorth ẏ|llofrud o lad ẏ|dẏn. Wẏthuet