LlGC Llsgr. Peniarth 33 – tudalen 28
Llyfr Blegywryd
28
gẏnllauaneu. A|e traẏan o|r crỽẏn. Wrth
reit ẏ|brenhin ẏd|helẏant hẏt galan
gaẏaf. o|hẏnnẏ hẏt ẏmhen ẏ|naỽ+
uet dẏd o|r vn mis hỽnnỽ; nẏ|helẏa ̷+
nt ẏ|neb. namẏn vdunt e|hunein. he ̷+
b gyuran dim a|neb; Y|tir a|geiff ẏn
rẏd. a|e varch ẏn wastat ẏ|gan ẏ bren+
hin; A|dỽẏ ranneu idaỽ o|r ebran. Y|ha ̷+
f ẏ|keiff croen buch. Ac onẏ|chẏffrẏ ef
ẏ|distein ẏnn|ẏr amseroet hẏnnẏ; nẏs
keiff gỽedẏ hẏnnẏ. Ef a|geiff pedeir
kennaỽc kyfreiff* ẏ|gan pob kẏnẏd mil+
gi. Ac ỽrth* geinaỽc kyfreith. ẏ|gan bop vn
o|gẏnẏdẏon ẏ|gellgỽn. pan elhont ẏ ̷+
n eu sỽẏdeu. Pan el ẏ brenhin ẏ|an+
reithaỽ; kanet ẏ|penkynyd ẏ|gorn.
pan vo amser idaỽ; A|deỽisset y|llỽdẏn
a|vynho o|r anreith; Ac o|trayan ẏ ̷
brenhin o|r crỽẏn; ẏ|penkynẏd a ga ̷+
iff ẏ|trayan. ~ Ac ef ẏỽ vn o|r dẏnẏon
ẏ|traẏanha brenhin idaỽ. Nẏ|chẏmell ̷+
ir ẏ|penkẏnẏd ẏ|ỽrtheb ẏ neb o vn da+
dẏl. namẏn ẏ|ỽn o|r sỽẏdogẏon llẏs.
Ef a|geiff ẏ|gan gẏnẏdẏon y|gellgỽn
ran|deu wẏr o|r crỽẏn. A|ran gỽr ẏ|gan
| « p 27 | p 29 » |