LlGC Llsgr. Peniarth 33 – tudalen 182
Llyfr Blegywryd
182
amgen. no|thẏgu o|r perchen+
naỽc ẏ|talhei ẏ|llỽdẏn ẏ|gỽei+
th a|ỽnel arnaỽ Ac ẏ|caffei ẏ+
na ẏrdaỽ Y neb a|ỽertho moch
bit ẏdanunt rac ẏ|ỽẏnẏglaỽc
tri dieu a|their nos. ac rac ẏr
hualaỽc tri mis atuerer Ac
nat yssont eu plant. Ac os
ẏssant; atuerer traẏan ẏ
gỽerth. Ac nẏ dylẏ hỽnnỽ ̷ ̷
eturẏt ẏ|moch. A|bit dros y
dilissrỽẏd vẏth. O r llad
moch neb dẏn; talet ẏ|per+
chenn ẏ|moch alanas ẏ|dẏn
ot adef ẏ|moch; Dros vaed
kẏnuein ẏ|telir baed araỻ.
a|hỽch o|pob parth idaỽ.
Gỽerth cath a|ladher. neu
a|dẏccer ẏn letrat; ẏ
phen a|ossodir ẏ|r gỽaeret ar
laỽr gỽastat. a|e llosgỽrn ẏ
ỽẏnẏd. A|e dala vellẏ hẏnny
traỽhỽer. ẏ|graỽn ˄gỽenith ẏmdanei
hẏnnẏ gadẏho blaen y|llos+
| « p 181 | p 183 » |