Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 162

Llyfr Blegywryd

162

dẏrẏ reeni. neu genedẏl wreic
dalaỽt ẏ|alltut; plant honno
o|r alltut a gaffant ran o tir gan
genedẏl eu mam. Ac nẏ|cheiff
vn ohonnunt eistedua arben  ̷+
nic hẏt ẏ trided* ach. Ac o|rẏỽ
gẏniỽedẏ honno  |nescir gỽar+
thec diuach eu talu dros alanas
Ac ẏ|dẏlẏir mechni drostunt o|r
mod hỽni* os mab ẏ|r alltut a
lad dẏn; kenedẏl ẏ|vam a|tal ẏ
ỻadedic. kannẏt oes genedẏl ẏ|r
alltut ẏ galler rann arnunt a+
lanas na|e dial O r tẏrr llog
ar tir esgob. deu|hanner vẏd ẏr
ennill rỽg ẏ|brenhin a|r esgob
Os ar tir ẏ|brenhin e|hun ẏ tẏrr
ef bieiuẏd ẏr enill. Beth|bẏn+
nac a|vẏrho mor·gẏmlaỽd ẏ|r
tir megẏs torri llog ẏ|brenhin
bieiuẏd. Pỽẏ|bẏnnac a|omed  ̷+
ho seuẏll ỽrth gẏureith ẏn llẏs
ag* |gỽẏd ẏ brenhin. anreith odef
vẏd. Eil dẏn anreith o·def vẏd;